Seguindo coa iniciativa de VELA PARA TODOS o Club Marítimo de Redes organiza un curso de iniciación á vela no mes de xullo.
Para máis información pincha na imaxe.
Seguindo coa iniciativa de VELA PARA TODOS o Club Marítimo de Redes organiza un curso de iniciación á vela no mes de xullo.
Para máis información pincha na imaxe.
Este ano cúmprense 40 anos que uns veciños decidiron xuntar cartos para adquirir uns terreos onde construir a sede do Club Marítimo de Redes, quizais grazas a eles hoxe temos unha sociedade que nalgúns eidos é un referente en Galicia, como son as seccións de kaiak de mar e a de vela tradicional. Quizais grazas a estes "fundadores" este ano estamos a piques de conseguir cambiar ese edificio por un novo, axeitado aos novos tempos e ás novas necesidades ou posibilidades.
Agardemos que estos lamentables feitos non se repitan e poidamos disfrutar dunha nova sede con máis posibilidades e cun mellor servicio para os socios do noso Club Marítimo de Redes.
]]>
O curso de iniciación á vela do CMR previsto para xuño xa está pechado, e en marcha.
Para o mes de xullo tentaremos programar outro das mesmas, ou similares, características.
Se queredes podedes facer unha preinscripción no email do club:
cmr@caamouco.net (todo xunto sen espazos)
Deixade o voso nome e correo.
]]>
A expedición do Marítimo de Redes partirá o sábado, sobor das 10:30 h. da mañá, rumbo a Ares onde se xuntará con outras embarcacións para seguir ata Sada. A hora de chegada a Sada estímase sobre a 13:30 h. da tarde. Ás 14:00 h. será o xantar e pola tarde unha regata de vela tradicional. A chegada a Redes sería antes do solpor.
Iremos dando información segundo a vaiamos tendo.
Todos aqueles interesados en asistir nun dos barcos do CMR, debe mandar un mail a cmr@caamouco.net.
A Xunta Directiva.
]]>
Club Marítimo de Redes estará na Festa Internacional dos Mariñeiros en Brest, que se celebra do 11 ao 17 de Xullo de 2008. Asistirá con cinco mariñeiros e o Trebón. É de agradecer ao seu armador que ofrecese a súa embarcación para representar ao club no evento de embarcacióps tradicionais máis importante do mundo.
]]>
O Tío Mini, que tanto quere o seu bote Pajarito, iniciou a construcción dunha réplica de nova construcción pero ó vello estilo, escollendo a madeira, sacando as formas, buscando as puntas de cobre. En fin, que quere respetar o deseño orixinal, as formas, os pesos, para ter algo novo pero de sabor antigo, sen presas.
Pero ademáis decideu compartir con todos a sua aventura, e para eso abriu unha páxina web na que ir contando o que vai pasando mentres pasa. Damos a benvida a Bote de Pao, que esperamos ver algún día en Redes tal como disfrutamos da beleza do seu avó, o Pajarito.
Máis blues que nunca...
Próximamente máis detalles aquí...
]]>
O curso estaba orientado para persoas con experiencia que desexaran perfeccionar a súa técnica así como recordar técnicas pouco usadas.
Unha ducia de alumnos e 2 monitores participaron neste curso que se dividía en dúas xornadas, unha pola mañá onde se impartía a parte teórica na Agrupación Instructiva de Caamouco, e unha segunda parte práctica na praia da Areamorta.
O Club Marítimo de Redes colaborou na organización do curso e varios socios asistiron como alumnos. Tamén a Agrupación Instructiva de Caamouco prestou as súas instalacións.
]]>DOMINGO 2 DE MARZO DE 2008
Pola presente se convoca aos Socios/as do Club Marítimo de Redes á Asemblea Xeral Ordinaria, a celebrar no local da Agrupación Instructiva de Caamouco, o Domingo 2 de Marzo ás 11:00 h. en primeira convocatoria e ás 11:30 h. en segunda convocatoria co seguinte orde do día:
Estado de contas.
- Memoria de actividades 2007.
- Proposta de actividades 2008.
- Incorporacións á Xunta Diretiva.
- Rogos e preguntas.
- Lectura e aprobación se procede da presente acta.
A modo informativo estarán a disposición dos socios, os planos do edificio contemplados no Proxecto “Actuación Integral na Fachada Marítima de Redes”.
Ao remate da asemblea serviranse uns aperitivos para os asistentes.
Reciban un cordial saudo.
Redes a 9 de Febreiro de 2008.
O Presidente
Miguel Amenedo Varela
]]>SECCIÓN DE KAIAK DE MAR:
Organizouse unha concentración de kaiak de mar na que participaron 27 regatistas, co seguinte programa:
- 1º día: Redes - Bastiagueiro.
- 2º día: Kaiak sur na praia de O Pedrido.
Participouse nunha “performance” en colaboración cun grupo de artistas alemáns (Gottlieb) e outro de artistas locais.
Organizouse un cursiño de iniciación ó piragüismo, que debido á escasa inscrición suspendeuse oficialmente, pero levouse adiante co persoal do club como monitores. Incluso aumentouse o tempo adicado, dos 10 días previstos para o curso pasouse a 20, adicando 10 a tarefas de iniciación cos 3 rapaces inicialmente inscritos, e outros 10 a tarefas de perfeccionamento cos inscritos inicialmente e algunha das novas incorporacións.
Mercáronse 2 piraguas novas, colocáronselle tabiques estancos ós 3 kaiaks plásticos de 1 praza e mercouse material para dotar a cada kaiak de 1 chaleco e un flotador de pagaia. Mercáronse tamén mantas térmicas.
Producíronse varias incorporacións de novos kaiakistas á sección, que a día de hoxe está formada por 17 persoas.
SECCIÓN VELA CRUCEIRO:
Un ano máis os barcos e tripulantes do Club Marítimo de Redes participaron na maioría das regatas, locais, autonómicas, e de alto nivel, celebradas nas augas do Golfo Ártabro. E de novo loitaron polos postos de cabeza, acadando os primeiros en diferentes probas e categorías. Este ano tamén participaron na Regata Rías Baixas, a máis popular de toda Galicia, e que durante cinco días de agosto percorre as augas entre Ribeira e Baiona. Pero nesta ocasión as cousas se complicaron seriamente para unha das nosas tripulacións. A experiencia, e as decisións acertadas destes mariñeiros, fixeron que só houbese que lamentar perdas materiais. Neste 2007, de novo, un dos nosos mellores navegantes forma parte da tripulación Campión do Mundo de IMS670, situando ao Club Marítimo de Redes na elite da vela. Un dos principais problemas do Club Marítimo de Redes no eido da vela cruceiro é a falta de tripulantes. A compra dun pequeno veleiro escola, o Caravelle, abre a porta á programación de cursos de iniciación á vela, de xeito que calquera socio poda achegarse a este deporte, aprendendo o necesario para integrarse nalgunha das tripulacións do Club, ou para desfrutar da vela tradicional. Especialmente preocupante é a falta de participación dos máis novos, que condiciona seriamente o futuro da sección de vela cruceiro.
SECCIÓN DE EMBARCACIÓNS TRADICIONAIS:
Un ano máis as embarcacións do noso Club participaron activamente en todas as concentracións que tiveron lugar nas rías de Ares,Ferrol e A Coruña.A destacar:
II Concentración de embarcacións tradicionais de A Coruña.(do 30 de xuño ao 5 de xullo).
VIII Encontro de Embarcacións Tradicionais de Galicia 2007, celebrado en Ferrol do 5 ao 8 de Xullo.A participación do noso club foi moi abondosa, en total,levamos un total de nove embarcacións, participando activamente en todos os actos, en especial, na elaboración de páxina web, a festa das cabrias e aportando un cesteiro na recreación dos oficios antigos.
Celebramos un ano máis, e con grande éxito, a nosa Regata de Embarcacións Tradicionais Porto de Redes, na que xa andamos pola 5ª edición.Fomos quen de xuntar perto de corenta embarcacións procedentes de distintos puntos da xeografía galega e de diversos portos europeos.Aínda que o vento non acompañou todo o que desexariamos, podemos ver unha fermosa concentración e unha disputada regata.
I Regata de Embarcacións Tradicionais Concello de Ares, que tivo lugar en Ares.
XV Regata de Embarcacións Tradicionais “A Parrocheira”, celebrada en Ferrol, na primeira fin de semana de setembro.
Bautismos de Mar, que se desenvolveron durante as mañás dos sábados do mes de Agosto, cunha notable asistencia de participantes.
Dende aquí queremos agradecer a colaboración de todos os tripulantes, patróns e armadores, sen os cales non poderiamos ter realizado todas as actividades anteriores. En especial ao Abur e ao Sauntress , que co desafío que mantiveron ao longo do verán, non deixaron que se deixara de falar nin un so día de vela tradicional no noso pobo.
OUTROS ACTOS:
Festival Callos&Blues: Este festival chega á súa 5ª edición cunha gran acollida por parte do público. Como o resto dos anos, foi Carmela a encargada de elaborar unhos exquisitos callos. Os grupos participantes foron “Track”, cun especial Pink Floyd, e “Goldeneye” que realizou un recorrido polos mellores temas de Tina Turner.
Festival Rockaamouco: Na 5ª edición deste festival foron os grupos “Los Tigres del Cañotas” e “Riff-Raff” os que animaron á gran afluencia de xente que acudiu a esta cita.
]]>
Actualmente era colaborador nalgunhas das actividades do club e patrón habitual do "Okeechobe" nas súas singladuras.
]]>
O Club Marítimo de Redes é unha asociación deportiva sin ánimo de lucro, que entre as súas actividades destacan a vela tradicional, a vela cruceiro e kaiak de mar, ademáis de organizar eventos de carácter lúdico como concertos e festas de diversa índole.
A sede do Club está en Redes, coa seguinte dirección postal:
Punta do Castelo s/n - Redes,
C.P: 15623 Redes
(Concello de Ares)
dirección de correo electrónico: cmr@caamouco.net
páxina web: http://www.caamouco.net
Teléfono: 607 217 916
]]>