Venres 09 Maio 2008 at 4:05 pm
Polo que podemos ver estes días co "feismo" de Portos de Galicia parece que cambiamos o muelle de Redes por un deses super-portos tan de moda nas nosas costas. Primeiro un cartel, deixando ben claro que estamos no Porto de Redes, por si non o estaba. Logo outro, prohibindo
o paso a toda persoa allea ás actividades portuarias, que ademáis remata cun berro de
Atención a Sinalización.
Agora chegamos ás pinturiñas, e temos o chan marcado cunhas rechamantes bandas amarelas que como se pode ver non teñen moito éxito.
Como pouco éxito tivo este outro carteliño que rematou ben preto da papeleira, non sei poda que os Srs. de Portos de Galicia collan a mensaxe, e teñan un pouco máis de respeto polo lugar, polo entorno, e polas xentes de Redes.
Venres 09 Maio 2008 at 04:12 am
Outro ano máis, e xa van sendo moitos, o Servizo de Deportes do Concello de Ares convoca "por terra mar e aire" o Programa de Actividades na Natureza para os meses de maio e xuño de 2008, en colaboración co Concello de Mugardos.
Este ano as actividades son:
- Canoa na Ría de Mugardos (24 de maio).
- Rotas a cabalo polo Belelle (25 de maio).
- Canoa na Ría de Ares (31 de maio).
- Rota en bicicleta de montaña Entre Dúas Rías (1 de xuño).
- Rotas a cabalo polo Belelle (1 de xuño).
- Rota de sendeirismo Mugardos - Ares (15 de xuño).
Máis información sobre prezos, horarios e inscricións no Concello de Ares (981448057), ou na
web do concello.
Unha oferta variada para desfrutar desta primaveira. ¡¡¡Non quedes na casa!!!
Xoves 08 Maio 2008 at 3:13 pm
O vindeiro sábado 17 de maio, o Club Marítimo de Redes participará en Sada na Festa da Botadura, con motivo de dar a benvida a unha nova embarcación nesta ría. Aínda non se sabe exactamente cantas embarcacións do club participarán no evento, pero é moi posible que queden prazas libres para os que queiran asistir (socios gratis, non socios 10 €).
(máis)
Luns 05 Maio 2008 at 4:53 pm
Primeiro foron os do Club de Tenis de Redes, situados á beira do regato, ao sur da pista 1. Cambiandolle lixeiramente a cara ao Club.
Agora tócalles aos que se sitúan próximos ao novo aparcadoiro.
Parece que a retirada destas "xigantes" está sendo complicada, e lenta dadas as dimensións das árbores, e o difícil aceso ás mesmas (dende o que está tomada esta imaxe). Xa que contra do que podería pensarse os madeiristas non chegan polo aparcadoiro, senón que baixan por mazaido, a seara, e a zona do camiño da rega.
Ainda quedan algúns, pero a diferencia no aparcadoiro xa é notable.
